Mercedesi bëri një paraqitje jo fort të mirë në garën e parë sezonale në Bahrein, por që u finalizua me një podium të Lewis Hamilton, që përfitoi nga problemet që pati makina e Red Bullit me të dy pilotët e saj në xhirot e fundit.

“Qëndruam në hije shumicën e kohës, por në fund morëm mjaft pikë të rëndësishme, më shumë se rivalët e Red Bullit”, ka thënë piloti britanik Lewis Hamilton.

“Fakti që kemi një makinë të besueshme, që nuk ka probleme, është e rëndësishme. E vlerësoj këtë fakt dhe falënderoj inxhinierët për punën e bërë. Mendoj se unë dhe Russell bëmë një punë të mirë në pistë dhe arritëm vendet 3-4. Në këtë garë Ferrari ishte e paarritshme, ndaj duhet kujdes për garat e radhës, që të jemi më të shpejtë dhe të rivalizojmë për fitore”, ka shtuar Hamilton.