Lewis Hamilton me Mercedes fitoi garën e Çmimit të Madh të Gjermanisë në Formula 1, zhvilluar në pistën e Hockenheim, duke bërë një paraqitje fantastike.

Piloti britanik rikthehet në krye të renditjes botërore, shkëputur 17 pikë nga Vettel, që gaboi me Ferrarin në pistën e shtëpisë dhe nuk e mbylli garën. Në podium u ngjitën edhe Valtteri Bottas me makinën Mercedes (i dyti) dhe Kimi Raikkonen me Ferrari (i treti). Për Hamiltonin ky është suksesi i katërt në garën e Gjermanisë.