Shtatë herë kampioni i Formula 1, Lewis Hamilton luftoi me depresionin për vite të tëra që në moshë të re, pasi u përball me presionin e ndjekjes së një karriere në motorsport dhe u përball me ngacmimet në shkollë. Hamilton , i cili ka garuar në gara që kur ishte gjashtë vjeç, ka thënë se ai gjithashtu ka luftuar me depresionin si i rritur dhe e ka pasur të vështirë të nis udhëtimin e tij.

“Unë mendoj se ishte presioni i garave dhe vështirësive në shkollë si dhe ngacmimi. Nuk kisha me kë të flisja”, ka thënë Hamilton për “The Times”. “Kam luftuar me shëndetin mendor gjatë jetës sime, depresionin që në moshë shumë të hershme kur isha, për shembull, 13 vjeçar kur isha e deri në të njëzetat, kisha disa faza vërtet të vështira”, ka shtuar ai. Hamilton bëri debutimin e tij në Formula 1 në vitin 2007 kur ishte 21-vjeç, duke u bërë piloti i parë me ngjyrë. Ai fitoi kampionatin vitin e ardhshëm dhe plotësoi rekordin e Michael Schumacher prej shtatë kampionate në vitin 2020. Britaniku me pas ka thënë se ndihej më i pjekur sot sesa ishte më herët në karrierën e tij.

“Ju po mësoni për gjërat që ju janë transmetuar nga prindërit tuaj, duke vënë re ato modele, si reagoni ndaj gjërave, si mund t’i ndryshoni ato. Pra, ajo që mund të më ketë zemëruar në të kaluarën nuk më zemëron sot. Unë jam shumë më i rafinuar”, ka deklaruar Hamilton. Piloti i Mercedesi, i cili do t’i bashkohet Ferrarit vitin e ardhshëm, është i gjashti në kampionat, me garën e radhës të vendosur në Austin muajin e ardhshëm.