Kryetari i Mitrovicës Bedri Hamza ka shprehur falenderime për zjarrfikësit, ushtarët e FSK-së, policinë e Kosovës dhe qytetarët mitrovicas për gatishmërinë maskimale ndaj zjarrit që u shkaktua në fshatrat e Cërrnushës.

“Zjarrfikësit, ushtarët dhe policët janë heronjtë tanë të përditshëm, të cilët e rrezikojnë edhe jetën e tyre për sigurinë tonë”, është shprehur Hamza.

Postimi i plotë:

Një falënderim të madh për zjarrfikësit e rajonit të Mitrovicës dhe Prishtinës, për ushtarët e FSK-së, Policinë e Kosovës dhe qytetarët e Mitrovicës.

Pasi zjarri krijoi shumë shqetësim te banorët e fshatrave Cerrnushë, Kçiq i madh dhe Kçiq i vogël, nga kodra e përfshirë në zjarr në Cerrnushë, ndaj me ju lajmin e mirë që pas angazhimit maksimal të institucioneve përgjegjëse dhe ndihmës së banorëve, tashmë gjendja është nën kontroll.

Zjarrfikësit, ushtarët dhe policët janë heronjtë tanë të përditshëm, të cilët e rrezikojnë edhe jetën e tyre për sigurinë tonë.

Faleminderit për shërbimin tuaj, heronj!.