Kryetari i komunës së Mitrovicës, Bedri Hamza, ka pritur në takim përfaqësues nga Unioni i Bizneseve Shqiptaro-Gjermane, në krye me kryetarin Nazmi Viqa.

Në këtë takim kryetari Hamza i ndau mirënjohje Unionit të Bizneseve Shqiptaro-Gjermane në shenjë falënderimi për vullnetin dhe kontributin e dhënë gjatë përballjes me vërshimet në Komunën e Mitrovicës.

Me këtë rast, përfaqësuesit e kësaj organizate pasi kanë falënderuar kryetarin Bedri Hamza, për mikpritjen e ofruar, ata janë shprehur të gatshëm për të bashkëpunuar në fusha të ndryshme që kanë të bëjnë me interesin e qytetarëve.