Kandidati për kryeministër nga radhët e Partisë Demokratike të Kosovës (PDK), Bedri Hamza, ka thënë se kjo parti nuk do të hyjë në koalicion me Lëvizjen Vetëvendosje.

Ai ka se shumica e qytetarëve shqiptarë kanë votuar se për opozitën dhe rrjedhimisht nuk e duan Albin Kurti kryeministër.

“Si rezultat i votës suaj sot është një ditë ma ndryshe se dje. Vullneti juaj u shpreh qartë në zgjedhjet e djeshme. LV-ja ka humbur një numër të madh të votave. Shumë qytetarë ia kanë kthyer shpinën. Ata erdhën kryesisht tek ne dhe të LDK-ja. Kryeministri në detyrë i paraqiti këto zgjedhje si referendum për veten dhe qeverinë e tij. Ai kërkoi 500 mijë vota por nuk i mori, nuk ia dhanë qytetarët. Shumica e qytetarëve shqiptarë që votuan nuk duan që e njëjta qeveri të vazhdojë. Në këto zgjedhje kanë fuqizuar partitë opozitare. Ne nuk do të përfshihemi në asnjë koalicion me Lëvizjen Vetëvendosje”, ka thënë Hamza në një konferencë për medie.