Kandidati i PDK-së për kryeministër, Bedri Hamza, ka shprehur mirënjohje për punën e gazetarëve.

Ai ka vlerësuar se një media e lirë është garanci për një shoqëri të drejtë dhe një qeverisje të përgjegjshme.

Në profilin e tij në “Facebook”, Hamza ka shkruar se secili qytetar duhet të punojë për një Kosovë transparente.

“Mirënjohje të madhe për gazetarët në këtë fundvit, të cilët na informojnë, na mbajnë përgjegjës dhe në rrugën e duhur. Një media e lirë është garancia më e mirë për një shoqëri të drejtë dhe një qeverisje të përgjegjshme. Ne, secili nga pozicioni i tij, duhet të vazhdojmë të punojmë për një Kosovë me më shumë transparencë, llogaridhënie dhe informim të drejtë për qytetarët tanë”, ka shkruar Hamza.