Kryeministri në largim, Ramush Haradinaj, ka bërë homazhe në nderim të heronjve Afrim Zhitia, Fahri e Bahri Fazliu dhe Agron Rrahmani, me rastin e rivarrimit të tyre në varrezat e dëshmorëve në Velani.

Haradinaj ka thënë se Afrim Zhitia, Fahri e Bahri Fazliu dhe Agron Rrahmani ishin patriotë dhe guximtarë të pashoq që ndryshuan rrjedhën e historisë së Kosovës.

“Kombi ynë sot, dhe përgjithmonë, me pietet do ta çmojë dhe lartësojë madhështinë e veprës së tyre!”, ka deklaruar Haradinaj.