Kryeministri në detyrë, Ramush Haradinaj, ka bërë homazhe te varri i ish-presidentit të Kosovës, Ibrahim Rugova, në përvjetorin e 14-të të vdekjes së tij.

Haradinaj ka thënë se ish-presidenti Rugova do të përkujtohet gjithmonë për veprat e tij.

“Në përvjetorin e ndarjes nga jeta të presidentit historik, Ibrahim Rugova, nderojmë në emër të institucioneve veprën e tij. Momentin e dhimbshëm të ndarjes së tij nga jeta do e mbaj mend gjithmonë”.

“Kosovën e presin sfida, puna dhe angazhimi i presidentit Rugova gjithnjë do të kujtohet”, ka thënë Haradinaj.