Kryeministri në detyrë, Ramush Haradinaj, ka bërë homazhe te varri i ish-presidentit të ndjerë Ibrahim Rugova.

Haradinaj ka thënë se vizioni politik i ish-presidentit Rugova përveç që është vlerë e patjetërsueshme, shërben edhe si pikënisje, se sovraniteti dhe integriteti i shtetit, janë parime të paprekshme dhe të panegociueshme.

“Në shenjë nderimi për angazhimin e tij jetësor për shtet të pavarur e paqësor, si dhe orientimin properëndimor të Kosovës, sot, kam bërë homazhe te varri i Presidentit historik të Kosovës, Ibrahim Rugova. Poashtu, në një vizitë miqësore ndava disa çaste me familjen e respektuar Rugova, një traditë e marrëdhënies së mirë dhe e respektit të ndërsjellë”, ka thënë Haradinaj.