Lideri i Aleancës për Ardhmërinë e Kosovës (AAK), Ramush Haradinaj, me bashkëpunëtorë, kanë bërë homazhe tek të rënët në masakrën e Mejes.

Me këtë rast, ai ka thënë se drejtësia duhet të vihet në vend për të gjitha krimet që Serbia ka kryer në Kosovë.

“Sot e përjetë, përkulje në nderim të sakrificës së martirëve të masakrës së Mejes. Drejtësia të vihet në vend – jo amnisti për kriminelët!”, ka shkruar Haradinaj në llogarinë e vet në “Facebook”.