Kryeministri Ramush Haradinaj ka vizituar sot fabrikat e “Egi Group” në kuadër të Elkos Group, ku është pritur nga pronari Ramiz Kelmendi.

Haradinaj ka thënë se si një ndër taksapaguesit dhe punëdhënësit më të mëdhenj në vend, Elkos Group, me pronar Ramiz Kelmendin, i ka dhënë shtytje në vazhdimësi ekonomisë së Kosovës.

Kryeministri gjatë kësaj vizite është njohur nga afër me rritjen progresive të sasisë së shitjeve në treg të prodhimeve cilësore të fabrikës ushqimore PI&KI, të leckave të lagura dhe atë të qeseve të plastikës.

“Mora inputet për hapat e ardhshëm që Qeveria duhet të ndërmerr për fuqizimin e prodhuesve vendor. Kosova me tatimet më të ulëta në rajon si dhe lehtësirat tjera fiskale, iu jep mbështetje prodhuesve për zgjerim të kapaciteteve dhe depërtimin në tregjet ndërkombëtare, e në të njëjtën kohë për të rritur numrin e punëtorëve dhe të ardhurat për punonjësit”, ka thënë Haradinaj.

/Epoka e re/