Kandidati i Aleancës për Ardhmërinë e Kosovës (AAK) për kryetar të Prishtinës, Daut Haradinaj, i ka ftuar kundërkandidatët e tij në debat të hapur për t’i shpalosur programet për kryeqytetin.

Haradinaj në llogarinë e vet në “Facebook” ka shkruar se Prishtina dhe qytetarët e saj duhet ta shohin kë duhet votuar.

“Nga pamundësia që t’i përballim argumentet me kundërkandidatët në një debat të hapur, jemi të detyruar që fushatën ta vazhdojmë në formën e njëjtë, me takime në lagje e fshatra të kryeqytetit. Edhe njëherë i ftoj kundërkandidatët që të gjejnë vullnetin dhe ta kemi një shpalosje të ofertës sonë në një debat të hapur. Prishtina dhe qytetarët e saj duhet ta shohin se kënd duhet votuar. Kjo i shërben edhe demokracisë dhe kryeqytetit”, ka shkruar Haradinaj.