Kryeministri Ramush Haradinaj ka pritur sot në takim komisionarin e BE-së për Zgjerim, Johannes Hahn.

Haradinaj përmes një postimi në llogarinë e vet në “Facebook”, ka bërë me dije se në këtë takim me komisionarin e BE-së për Zgjerim, Johannes Hahn, ka ritheksuar se pozicioni i Kosovës është i palëkundur në rrugën e integrimeve drejt BE-së.

“Në këtë drejtim, kemi shënuar progres në agjendën evropiane dhe pas përmbushjes në tërësi të kritereve për liberalizim presim një vendim të shpejtë, që të na njihet e drejta e lëvizjes së lirë”, ka shkruar kryeministri Haradinaj.

/Epoka e re/