Kryeministri i Kosovës, Ramush Haradinaj, ka pritur në takim bashkëkryesuesit e ekipit negociator, Fatmir Limaj dhe Shpend Ahmeti, nga të cilët është informuar për takimin me përfaqësuesen e lartë të Bashkimit Evropian (BE), Federica Mogherini.

“Takim informues nga bashkëkryesuesit e delegacionit shtetëror për bisedimet me Serbinë, Fatmir Limaj dhe Shpend Ahmeti, për rrjedhën e vizitës në Bruksel. Delegacionin shtetëror i përgëzova për paraqitjen e shkëlqyer të qëndrimeve të Kosovës përballë zyrtarëve të BE-së për dialogun me Serbinë. Arritja e marrëveshjes gjithëpërfshirëse me shtetin fqinj, që do të thotë njohje reciproke ndërmjet dy shteteve, i siguron Kosovës ulësen në OKB dhe organizatat tjera ndërkombëtare. Kosova, e përkushtuar për paqe të qëndrueshme dhe stabilitet, është e vendosur për normalizimin e plotë të marrëdhënieve me Serbinë”, ka shkruar Haraidnaj në llogarinë e vet në “Facebook”.

/Epoka e re/

https://www.facebook.com/RamushHaradinajOfficial/photos/a.179881242136298/1029948037129610/?type=3&theater