Haradinaj: Italia ka dhënë kontribut të veçantë për Kosovën

21 janar 2020 | 13:05

Kryeministri në detyrë i Republikës së Kosovës, Ramush Haradinaj, ka pritur në takim ambasadorin e ri të Italisë në Kosovë, Nicola Orlando, me të cilin ka biseduar për zhvillimet e përgjithshme në vend.

Duke uruar ambasadorin Orlando për detyrën e re, Haradinaj vlerësoi përkrahjen e Italisë në periudhat më të rëndësishme për Kosovën, i bindur në thellimin e mëtejmë të bashkëpunimit me Italinë, si një ndër partnerët strategjik për vendin tonë.

“Italia ka dhënë një kontribut të veçantë, si në zhvillimin ekonomik, ashtu edhe në mbrojtjen dhe ofrimin e sigurisë në kuadër të trupave paqeruajtëse të KFOR-it. Kjo përkrahje duhet të vazhdojë edhe në të ardhmen në proceset e rëndësishme për vendin tonë, liberalizimin e vizave, por edhe në rrugën e integrimit në BE dhe në NATO”, ka thënë Haradinaj.

Me këtë rast, kryeministri në detyrë Haradinaj, e ka njoftuar ambasadorin e ri italian edhe për vendimet që ka marrë Qeveria për krijimin e një ambienti të favorshëm për investimet e huaja, duke ftuar investitorët italianë që potencialin e tyre ta orientojnë në Kosovë.

Ndërsa ambasadori i ri i Italisë, Nicola Orlando, ka falënderuar kryeministrin në detyrë Haradinaj për pritje, duke theksuar gatishmërinë për bashkëpunim në të gjitha fushat me interes të përbashkët dhe mbështetjen e vendosur të Italisë për perspektivën euroatlantike të Kosovës.

/Epoka e re/

Lajme të sponsorizuara

Të fundit
Kryetari i Lidhjes Demokratike të Kosovës (LDK), Isa Mustafa, ka…