Kryeministri Ramush Haradinaj në mbledhjen e së martës së Qeverisë ka kërkuar nga ministri i Kulturës, Kujtim Gashi, dhe ai i Financave Bedri Hamza që 12 punëtorëve të Rezidencës dhe memorialit “Ibrahim Rugova” t’u jepen kontrata të rregullta, meqë ata punojnë me kontrata mbi vepër.

“A është e mundur që ky staf nga kontratat e përkohshme të kalojnë në kontrata të përhershme”, ka thënë kryeministri.

Ministri i Financave, Bedri Hamza, ka thënë se edhe nëse kalojnë në punëtorë me kontrata të rregullta shpenzimi i buxhetit është prapë i njëjtë.