Kryeministri në detyrë, Ramush Haradinaj, ka thënë se lajmi që i gjithë procesi negociues është përmbyllur me dakordim nga LV-ja dhe LDK-ja është veprim i duhur dhe konkretizimi i mirë, që respekton rezultatin zgjedhor.

“Tashmë është e domosdoshme të formohet qeveria sa më shpejtë”, ka shkruar Haradinaj në llogarinë e vet në “Facebook”.

Ai ka theksuar se Kosovën e presin punë të mëdha dhe procese të rëndësishme, për të cilat ai ka thënë se duhet lidership, qëndrime konsistente dhe institucione kredibile dhe të qëndrueshme.

“Qëndroj i bindur se agonia e tejzgjatjes për ndarje të posteve është vetëm shpërfaqja e parë e mashtrimit të madh me të cilin do të identifikohet Albin Kurti si kryeministër”, ka shkruar Haradinaj.