Lideri i Aleancës për Ardhmërinë e Kosovës (AAK), Ramush Haradinaj, në ditën e varrimit të shkrimtarit të madh, Ismail Kadaresë, ka shkruar në librin e kujtimeve në Ambasadën e Shqipërisë në Prishtinë, se prej sot, vepra monumentale e Kadaresë për letërsinë e për gjuhën e bukur shqipe, për historinë e kulturën shqiptare, e vendos kufirin e epokave, para dhe pas Kadaresë.

“Lamtumirë mjeshtër i madh e gjeneral i letrave shqipe, Ismail Kadare!”, shkruan Haradinaj në “Facebook”.