Kryetari i AAK-së, Ramush Haradinaj, ka pritur në takim drejtorin e Divizionit për Evropë i Institutit Ndërkombëtar Republikan (IRI), Paul McCarthy.

Haradinaj e McCarthy diskutuan për zhvillimet politike si dhe për bashkëpunimin që kanë tash e një kohë.

“Mbështetja e IRI-së, mbetet e nevojshme për konsolidimin e mëtejmë të demokracive në vendet ku vepron dhe fuqizimin në partneritetet rajonale. Shpreha falënderimin për mbështetjen e drejtorit McCarthy dhe për bashkëpunimin e ngushtë që zyra e IRI në Kosovë e ofron për të mbështetur zhvillimin e partive politike”, ka theksuar Haradinaj.