Kryetari i Aleancës për Ardhmërinë e Kosovës (AAK), Ramush Haradinaj përmes një video-deklarate u është drejtuar qytetarëve të Istogut për zgjedhjet e 17 tetorit.

Haradinaj ka thënë se mburret me Istogun, njerëzit e zotë dhe resurset që ka, e gjithashtu si vendlindje e ish-presidentit Ibrahim Rugova.

“Për t’u zhvilluar Istogu, sot kërkohen njerëz të zotë, të fuqishëm e vendimmarrës, kërkohet kryetari i komunës, Bekë Berisha”, ka thënë Haradinaj.

Ai ka siguruar qytetarët e Istogut se me Bekën Berishën kryetar dhe me ekipin rreth tij, Istogu do të kalojë komunat e tjera me zhvillim dhe do të jetë shembull i qeverisjes së mirë.

Haradinaj ka thënë se rreth Bekë Berishës janë mbledhur ekspertë të zotë, njerëz të dalluar dhe familjarë të mirë.

“Më 17 tetor, ju e keni adresën e fitores, numrin 121 Aleanca për Ardhmërinë e Kosovës dhe kryetarin tuaj, Bekë Berisha, bashkë me kandidatët për Kuvendin Komunal”, ka thënë Haradinaj.