Ramush Haradinaj, kryetar i Aleancës për Ardhmërinë e Kosovës, u nderua me titullin “Anëtar Nderi” i përjetshëm i Federatës Pan-Shqiptare  “VATRA” gjatë një vizite në selinë e organizatës në ShBA.

“Kosova duhet të punojë për një plan strategjik të sigurisë që të sigurojë nga bashkësia ndërkombëtare një plan masash për anëtarësim të shpejt në NATO, pasi Kosova ka ushtri të aftë, profesioniste, një gjeneratë e shkëlqyer profesionistësh”, ka thënë ai.

Ai u bëri thirrje shqiptaro-amerikanëve, të angazhohen pranë autoriteteve amerikane për të përshpejtuar anëtarësimin e Kosovës në NATO.