Të enjten është mbajtur takimin ‘Business talks’, i organizuar nga Oda Ekonomike Gjermane në bashkëpunim me Konrad Adenauer Stiftung, ku të pranishëm ishin kryeministri Ramush Haradinaj, ambasadori i Gjermanisë në Kosovë, Christian, Heldt, investitorë gjermanë dhe sipërmarrës nga vendi.

Kryeministri Ramush Haradinaj ka theskuar në këtë takim se partneriteti ekonomik Kosovë – Gjermani është storie e suksesit.

Ai ka thënë se sot Kosova ka një infrastrukturë që është mbi 40 milionë euro që është bërë nga Qeveria gjermane.

“Ne kemi marrë vendim që të investohen 11 milionë euro deri në vitin 2021, një tjetër lajm i mirë është se një kompani gjermane që është në konsorcium edhe me palë tjera është e parakualifikuar në bazë të vlerësimit të Ministrisë së Tregtisë dhe procesi është i gatshëm që të lajmërohet investitori i parë me investime strategjike në energji me erë”, ka thënë Haradinaj.

Në fjalën e tij para të pranishmëve, kryeministri Haradinaj ka thënë se tanimë është dakorduar se rritja ekonomike do të shkojë rreth 4.3 për qind në Kosovë.

/Epoka e re/