Lideri i Aleancës për Ardhmërinë e Kosovës (AAK), Ramush Haradinaj është takuar me zëvendësmdihmëssekretarin e Shtetit, Alexander Kasanof dhe ambasadorin amerikan në Prishtinë,  Jeffrey Hovenier.

Takimi është zhvilluar në objektin e Ambasadës së ShBA-së në Prishtinë.

Pas takimit, Haradinaj ka deklaruar se mbështetja e fuqishme e ShBA-së ndaj popullit të Kosovës vazhdon “përkundër vështirësive të panevojshme që i ka shkaktuar qeveria”.

“E vetmja rrugë për të arritur synimet tona si shtet, është bashkëpunimi dhe partneriteti me ShBA-të, si aleati ynë strategjik dhe i përjetshëm”, ka shkruar Haradinaj në “Facebook”.

Në këtë takim kanë marrë pjesë edhe Ardian Gjini dhe Besnik Tahiri.