Kreu i AAK-së, Ramush Haradinaj, është shprehur i tronditur pas humbjes së jetës së dy qytetarëve në Pejë si pasojë e vërshimeve.

Ai u ka bërë thirrje institucioneve përgjegjëse të veprojnë me vendosmëri dhe seriozitet.

Gjithashtu, thekson se bashkëndien me familjen Ademaj që humbi familjarët.

Reagimi i tij i plotë:

I tronditur pas vërshimeve në Pejë, apeloj që qeveria, komuna dhe të gjitha institucionet përgjegjëse, të veprojnë me vendosmëri e seriozitet.

Bashkëndjej me familjen Ademaj që humbi familjarët.

Bashkëndjej me të gjithë qytetarët që u dëmtuan nga vërshimet.