Ish-kryeministri dhe lideri i AAK-së,  Ramush Haradinaj, ka thënë se historia e rezistencës tonë për çlirim, kaloi në etapa të ndryshme, ku nga më të ndriturat, ishin demonstratat gjithëpopullore të vitit 1981.

“Sot nderojmë të gjithë ata që i dhanë grushtin shtypjes jugosllave, nderojmë rënien e Dëshmorëve të atyre ditëve të lavdishme të historisë sonë”, ka shkruar Haradinaj në llogarinë e vet në “Facebook”.

“Rinia heroike shqiptare, e frymëzuar nga ideali i protestuesve të vitit 1981, do shkëlqente në istikamet e Luftës Çlirimtare, e cila e solli lirinë që e gëzojmë sot”, ka shkruar Haradinaj.