Deputeti i AAK-së, Ramush Haradinaj dhe ai i Vetëvendosjes, Dimal Basha kanë replikuar me njëri-tjetrin për projektin e gazit amerikan.

Basha i ka thënë Haradinajt se nuk kupton në gaz e as në ekonomi.

“Z.Haradinaj, unë përnime s’besoj që ti merr vesh në gaz e as në ekonomi, pse po e merr guximin me dalë me bërë pyetje sepse s’po i kupton as përgjigjet”, ka thënë Basha.

Në fjalën e tij, Haradinaj ka thënë se është zbuluar edhe dikush tjetër i mençur në LV përpos kandidatit për kryetar të Ferizajt që fliste për “Miss gjyshen”.

“Se kam ditë që keni qesi të meqëm në LV. Ua zbulova edhe qeto, pos atij ‘Miss gjyshja’ e akademik Bahtirit, e paskeni edhe këtë. Edhe ky koka nifar mosvet. S’kam çka me i kthyer këtij përgjigje, niveli i tij s’meriton kurgjo”, ka thënë Haradinaj.

Ndërsa deputeti Basha e ka kërkuar edhe njëherë fjalën, duke i thënë Haradinajt se së pari është futur në politikë e pastaj ka kryer fakultetin.