Kandidati i koalicionit AAK-Nisma, Ramush Haradinaj, ka thënë se sektori i gastronomisë do të ketë mbështetje konkrete dhe të menjëhershme.

Po ashtu, ai ka thënë se do të ketë ulje të TVSh-së në 8 për qind për 4 vite në sektorin e gastronomisë dhe reduktim të tarifave në produktet bazë për gastronomi.

“Këto masa do të sjellin rritje të formalitetit, përmirësim të kushteve të punës, siguri juridike për investime, mbrojtje të bizneseve nga arbitrariteti dhe rritje të të ardhurave për shtetin”, ka shkruar Haradinaj në “Facebook”.

Postimi i plotë:

Gastronomia, ky sektor vital i ekonomisë do të ketë mbështetje konkrete dhe të menjëhershme.

• Ulje të TVSh-së në 8% për 4 vite në sektorin e gastronomisë
• Reduktim të tarifave në produktet bazë për gastronomi
• Ulje të normave tatimore në paga dhe fitim nga 10% në 9%
• Sistem të ri të pagesave tatimore me pasdhënie me këste
• Ndryshim të Ligjit për Zhurma për të mbrojtur bizneset
• Ligj të ri për duhanin sipas sistemit FUMAR – me zona të ndara dhe tarifa të përcaktuara

Këto masa do të sjellin rritje të formalitetit, përmirësim të kushteve të punës, siguri juridike për investime, mbrojtje të bizneseve nga arbitrariteti dhe rritje të të ardhurave për shtetin.

Me 9 shkurt, duke votuar për Koalicionin për Kosovën Fituese 137, nisim kapitullin e ri të një Kosovë me ekonomi të fortë dhe të qëndrueshme!