Kreu i Aleancës për Ardhmërinë e Kosovës, Ramush Haradinaj, ka komentuar menaxhimin e situatës me pandeminë COVID-19, në Kosovë, nga ana e qeverisë në detyrë.

Sipas ish-kryeministrit Haradinaj, në fillim, pas shfaqjes së pandemisë është përdorur, siç e quan ai, një logjikë e gabuar e kufizimeve.

“Kufizimet e para kohore, dhe me i detyruar qytetarët me dalë të gjithë me një kohë, ishin gabim i madh”, ka thënë Haradinaj.

“Ajo ish me na detyruar të gjithëve me dal në të njëjtën kohë që me ia shpërndarë njeri-tjetrit virusin. Ajo ishte një logjikë e gabuar”, ka shtuar kryetari i AAK-së.

“Në aspektin e mbrojtjes shëndetësore mendoj se është bërë një punë shumë e mirë nga ana e mjekëve…”, thotë Ramush Haradinaj për Reporterin.

Tutje, ai kritikon Qeverinë në detyrë Kurti se në aspektin ekonomik e kanë menaxhuar keq situatën dhe sipas tij do të shkaktojnë me sjelljet e tyre dëme të mëdha për qytetarët.

“I është bërë një dëm ekonomisë që ka mundur me u sanu”, ka thënë Haradinaj për Reporteri.net, kreu i AAK-së, Ramush Haradinaj.