Kryeministri i Kosovës, Ramush Haradinaj, ka bërë me dije se ka angazhuar dikë nga ekipi i tij që të bisedojë me Kryesinë e Kuvendit lidhur me kërkesën për iniciativën për shfuqizimin e Gjykatës Speciale.

Sipas tij Qeveria ende nuk ka pranuar asnjë dokument zyrtar nga Kuvendi.

Haradinaj gjatë qëndrimit në Ferizaj, ka theksuar se roli i Qeverisë lidhur me këtë çështje nuk është shumë i madh, pasi që kjo është iniciativë parlamentare.

Ai ka thënë se të gjitha procedurat do të ndiqen dhe secila ministri do të japë qëndrimin e saj rreth iniciativës për shfuqizimin e Speciales.