Ministrja e Punëve të Jashtme, Meliza Haradinaj-Stublla, ka zhvilluar një bisedë telefonike me ministrin e Jashtëm të Francës Jean-Yves Le Drian.

Haradinaj-Stublla, e ka falënderuar homologun e saj francez për mbështetjen që Franca i ka dhënë Kosovës në të gjitha etapat.

Kryediplomatja ndër të tjera ka biseduar edhe për dialogun dhe liberalizimin e vizave si rëndësi strategjike për vendin.

Postimi i plotë i saj në FB:

Zhvillova një telefonatë përmbajtësore dhe miqësore me Ministrin për Evropë dhe Punë të Jashtme të Francës, Jean-Yves Le Drian.

E falënderova Ministrin Le Drian për mbështjetjen e çmuar të Francës në të gjitha etapat e shtetndërtimit të Kosovës, dhe riktheksova gatishmërinë për zgjerimin dhe thellimin e bashkëpunimit tonë ndërshtetëror në aspektet e interesit të përbashkët.

Përveç marrëdhënieve të shkëlqyeshme bilaterale, diskutuam edhe dialogun Kosovë-Serbi, si dhe çështjen e liberalizimit të vizave e cila ka rëndësi strategjike për ne dhe është në interes të vlerave evropiane në rajonin tonë.

(M.Q / Epoka e re)