Ish-ministrja e Punëve të Jashtme, Meliza Haradinaj-Stublla, duke u ndërlidhur me sulmet ndaj Izraelit, ka thënë se Kosova duhet ta shpallë “Hamas” organizatë terroriste.

Ajo ka thënë se kjo gjë duhet të bëhet në linjë me politikën e jashtme të ShBA-së dhe BE-së.

“Në linjë me politikën e jashtme të SHBA dhe BE, Kosova duhet të shpallë ‘Hamas’ organizatë terroriste në territorin e Republikës së Kosovës pa humbur kohë, siç kemi bërë edhe me dy krahët politik e ushtarak të ‘Hezbollah’ në vitin 2020”, ka shkruar ajo në “Facebook”.