Ish-ministrja e Jashtme e Kosovës, Meliza Haradinaj-Stublla, ka kritikuar Bashkimin Evropian (BE) për mosreagimin e tyre pasi Serbia nuk e ka lejuar zëvendëskryeministrit e Kosovës, Besnik Bislimi që të vazhdonte qëndrimin e tij në Beograd, duke e kthyer për në Kosovë.

Haradinaj-Stublla përmes një postimi në “Twitter” ka shkruar se kur ajo refuzonte t’i jepte leje presidentit të Serbisë, Aleksandër Vuçiqit në momentin kur u zbulua një varr masiv me trupat e shqiptarëve të Kosovës në Kizhevak të Serbisë, Mirosllav Lajçak kishte reaguar tek Avdullah Hoti.

“Kur refuzova t’i jepja leje Aleksandar Vuçiqit të vizitojë Kosovën gjatë javës kur u zbulua një varr masiv me trupat e shqiptarëve të Kosovës në Kizevak të Serbisë, Miroslav Lajçak i dërgoi këtë Avdullah Hotit. Ku është tani ai për të mbajtur përgjegjës Aleksandër Vuçiqin për ndalimin e djeshëm të Besnik Bislimit? Paanshmëri? ”, ka shkruar Haradinaj-Stublla.