Ministrja e Punëve të Jashtme dhe Diasporës, Meliza Haradinaj-Stublla , ka uruar Olta Xhaçka, me rastin e marrjes së detyrës si kryediplomate e Shqipërisë.

Me këtë rast, Haradinaj-Stublla ka thënë se beson në vazhdimësinë e bashkëpunimit të ngushtë në mes të ministrisë së Punëve të Jashtme të Kosovës dhe asaj të Shqipërisë.

“Pres vazhdimin e bashkëpunimin për forcimin e kauzës kombëtare në rajon, si dhe intensifikimin e koordinimit ndërshtetëror mes Kosovës dhe Shqipërisë, drejt rrugës për integrimin e plotë Euro-Atlantik të shteteve tona”, ka thënë ajo.