Kryetari i AAK-së, Ramush Haradinaj, gjatë qëndrimit në Amerikë është takuar me profesorin Daniel Serwer.

Haradinaj ka bërë me dije se me Serwerin ka biseduar për proceset dhe sfidat në të cilat po kalon Kosova.

“Një bisedë e gjatë dhe përmbajtjesore me profesorin e marrëdhënieve ndërkombëtare dhe të politikës së jashtme Amerikane Daniel Serwer. Diskutuam për proceset dhe sfidat nëpër të cilat është duke kaluar Kosova. Anagazhimi me dekada i prof. Serwer në Kosovë dhe Ballkan dhe memoria institucionale si ish diplomat në Ballkan janë shumë me vlerë për rrugën dhe përcaktimet e Kosovës dhe prioritetet që garantojnë paqen dhe sigurinë në Ballkan. E ftova z. Serwer që të vijë në Kosovë për të ndarë pikëpamjet dhe për të ofruar ndihmën e tij, që Kosova të rikthehet në partneritetin strategjik me aleatë, posaçërisht Shtetet e Bashkuara të Amerikës”, ka shkruar Haradinaj në “Facebook”.