Kryeministri i Kosovës, Ramush Haradinaj, ka pritur në takim delegacionin e lartë nga Banka Evropiane për Rindërtim dhe Zhvillim (BERZh), kryesuar nga presidenti i kësaj banke, Suma Chakrabarti.

Presidenti i BERZh-it, Suma Chakrabarti, është duke qëndruar për vizitë në Kosovë në kuadër të një turneu në rajonin e Ballkanit Perëndimor në përgatitje për takimin vjetor të Bankës për vitin 2019 që do të mbahet në Sarajevë në maj.

Gjatë kësaj vizite, Chakrabarti, pritet të takohet edhe me ministrin e Financave, Bedri Hamza dhe atë të Zhvillimit Ekonomik Valdrin Lluka.