Lideri i Aleancës për Ardhmërinë e Kosovës (AAK), Ramush Haradinaj, ka thënë se të pagjeturit vazhdojnë të mbesin plagë e shoqërisë sonë.

Ai ka thënë se nuk do të rreshtin se punuari derisa drejtësia të vendoset në vend.

“Zemra jonë bashkëndjen me familjarët që ende presin të dashurit e tyre, si sot, kur bota kujton personat e zhdukur, ashtu edhe çdo ditë e gjithmonë, derisa të vendoset drejtësia. Ata mbesin plagë e hapur e shoqërisë sonë, i rrëmbyen vetëm pse deshën të jetojnë të lirë në dheun e të parëve. Kosova nuk harron!”, ka shkruar Haradinaj në llogarinë e vet në “Facebook”.