Kryeministri Ramush Haradinaj ka thënë se plaftormën për dialog me Serbinë e ka tërhequr nga Kuvendi i Kosovës për të arritur një unitet mes të gjitha partive parlamentare.

Në emisionin “Interaktiv” Haradinaj i është përgjigjur edhe LDK-së për mospërkrahje të platformës për dialog, konkretisht mosmbështetjes së presidentit në këtë proces.

“LDK-ja e ka votuar presidentin. Tash ata thonë jo presidneti. Ne kemi një president, nuk i kemi dy presidentë të votuar”, ka thënë Haradinaj.

Haradinaj ka theksuar se presidenti Thaçi e ka përvojën për të dialoguar me Serbinë.

Duke iu përgjigjur pyetjes pse ai nuk ka pranuar që ta drejtojë dialogun me Serbinë, ka thënë se profili i tij nuk është i llojit të tavolinave.