Kryeministri i Kosovës, Ramush Haradinaj, ka deklaruar se ushtria e Kosovës nuk e ka asnjë element më të vogël në mandat se sa ushtritë e vendeve në botë.

“Ju siguroj se ushtria e Kosovës nuk e ka asnjë element më të vogël në mandat se sa ushtria e Kinës, e Amerikës e Gjermanisë e kujt të doni. Asgjë në mandat mangu nuk ka”, ka thënë Haradinaj të shtunën gjatë takimit me strukturat e Aleancës për Ardhmërinë e Kosovës (AAK) në Obiliq.

Ai ka thënë se kjo ushtri do të jetë në gjithë territorin e Kosovës.

Haradinaj ka bërë me dije se e janë duke punuar intensivisht që liberalizimi i vizave të ndodhë brenda këtij viti.