Lideri i Aleancës për Ardhmërinë e Kosovës (AAK), Ramush Haradinaj, ka përkujtuar heroizmin e disa prej luftëtarëve më të zotë gjatë përpjekjeve për liri e çlirim, emra si: Burim Mustafaj, Shpend Malaj, Jeton Dedushaj dhe Enver Dobraj.

Ai ka thënë se vepra madhështore e tyre, është frymëzim për të punuar më shumë për shtetin.

“Burimi priu në qindra aksione e beteja dhe Shpendi që theu kufirin me dhjetëra herë për të sjell armët e lirisë, që të dy nga Gllogjani. Jetoni sypatrembur nga Malësia e Madhe, Enveri i shumë betejave e aksioneve luftarake nga Carrabregu”, shkruar Haradinaj në “Facebook”.

Postimi i plotë i Haradinajt:

Vepra madhështore e luftëtarëve të lirisë, është burim frymëzimi për brezat dhe motiv për të punuar më shumë për shtetin dhe atdheun.

Sot, në Qershorin e Lirisë, kujtojmë heroizmin e disa prej luftëtarëve më të zotë që njoha gjatë përpjekjeve tona për liri e çlirim: Burim Mustafaj, Shpend Malaj, Jeton Dedushaj dhe Enver Dobraj.

Burimi priu në qindra aksione e beteja dhe Shpendi që theu kufirin me dhjetëra herë për të sjell armët e lirisë, që të dy nga Gllogjani. Jetoni sypatrembur nga Malësia e Madhe, Enveri i shumë betejave e aksioneve luftarake nga Carrabregu.

Në këtë ditë historike e plotë lavdi, po ashtu në 4-vjetorin e ndarjes nga jeta, kujtoj bashkëluftëtarin Zeqir Nimonaj, njeri i dashur e shpirtmadh!

Ëndrrat e tyre u jetësofshin!