Në komunën e Rahovecit të premten është hapur Festivali “Hardh Fest”, i cili tashmë ka karakter ndërkombëtar.

Pjesëmarrës në hapje të këtij festivali kanë qenë përfaqësues të ndryshëm të institucioneve vendore, duke përfshirë edhe presidentin e Shqipërisë, Ilir Meta.

Në këtë aktivitet kanë marrë pjesë edhe dy përfaqësuesit kryesorë të shtetit, presidenti Hashim Thaçi dhe kryeministri në dorëheqje, Ramush Haradinaj.

Edhe pse kohëve të fundit Thaçi e Haradinaj kanë qenë rival të ashpër politik, sidomos rreth idesë së korrigjimit të kufirit në mes të Kosovës dhe Serbisë, në Rahovec ata janë parë të buzëqeshur përballë njëri – tjetrit.

Në shoqëri të Thaçit dhe Haradinajt ka qenë edhe presidenti Meta, por jo edhe kryetari i Kuvendit, Kadri Veseli, i cili ka marrë pjesë në hapjen e “Hardh Fest”-it.

/Epoka e re/