Drejtori i Agjencisë Kundër Korrupsionit (AKK), Shaip Havolli, është takuar të mërkurën me ambasadorin e Mbretërisë së Bashkuar në Kosovë, Ruairi O’Connell.

Havolli ka shprehur mirënjohje dhe falënderime për kontributin e Ambasadës Britanike në Kosovë për mbështetjen e institucioneve të Kosovës, veçanërisht në parandalimin dhe luftimin e korrupsionit.

Ambasadori i Mbretërisë së Bashkuar në Kosovë, Ruairi O’Connell, gjatë takimit me drejtorin e AKK-së ka falënderuar Havolli për bashkëpunimin, duke theksuar se roli i Agjencisë Kundër Korrupsionit duhet të jetë kyç në raport me vendimet për zbatimin e ligjit dhe integritetin e institucioneve publike.

Ambasadori Ruairi O’Connell gjithashtu ka shprehur përkushtimin e Ambasadës Britanike për bashkëpunim me Agjencinë Kundër Korrupsionit edhe në të ardhmen.

Në shenjë falënderimi për bashkëpunimin dhe kontributin e dhënë për AKK-në, Havolli i ka dhuruar një mirënjohje O’Connellit.

/Epoka e re/