Deputeti i LDK-së, Haxhi Avdyli, ka thënë se lideri i partisë së tij, Isa Mustafa, është bërë një lloj zëdhënësi i PDK-së.

Ai në “Interaktiv” të KTV-së ka thënë se Mustafa në disa intervista ka dalë e ka thënë se posti i presidentit i takon PDK-së, ndërsa vetë PDK-ja nuk ka thënë publikisht që i takon presidenti.

“Tash, për çudi, z. Mustafa është bërë zëdhënës i PDK-së, në kuptimin se ende nuk po dëgjoj zyrtar të PDK-së që thotë aq publikisht që presidenti i takon PDK-së. E Mustafa në disa intervista ka thënë se posti i presidentit i takon PDK-së. Qëllimi i tij është që me çdo kusht t’i mënjanojë zgjedhjet, që është për keqardhje. Partitë politike nuk duhet t’u frikësohen zgjedhjeve”, ka thënë Avdyli.