Haxhi Shala nga koalicioni Nisma-AKR-PD, ka thënë se nuk e di renditjen e listës me 110 kandidatë për deputetë, përveç prijësit të saj.

“Renditja e numrave është pjesë teknike. Kam qenë në terren deri tash dhe nuk e di. Sipas marrëveshjes listës do t’i prijë Fatmir Limaj”.

Ai në “Analiza Zgjedhore” në “Klan Kosova” nuk ka treguar as për vete se me cilin numër do të garojë në zgjedhje.

“Ne si koalicion kemi besuar që qytetarët duhet t’iu ofrohet një kandidaturë me vlera. Besoj se Fatmir Limaj është kandidatura më e mirë, por në fund për këtë do të vendosin qytetarët. Elektorati e ka pritur mirë kandidaturën e tij”, ka thënë Shala.