Deputetët e Kuvendit të Kosovës sot kanë miratuar në parim Projektligjin për Byronë shtetërore për verifikimin dhe konfiskimin e pasurisë së pajustifikueshme.

Miratimin e këtij Projektligji e ka përshëndetur ministrja e Drejtësisë, Albulena Haxhiu.

“Falënderoj deputetët e Kuvendit për miratimin në parim të projektligjit për Byronë Shtetërore për verifikimin dhe konfiskimin e pasurisë së pajustifikueshme. Rekomandimet e Komisionit të Venecias do të adresohen të gjitha pranë grupit punues të Komisionit për Legjislacion”, ka shkruar Haxhiu në llogarinë e saj në “Facebook”.