Deputeti i PDK-së, Bekim Haxhiu, ka reaguar pas deklaratës së drjtorit të Klinikës së Kirurgjisë së Fëmijëve në QKUK, duke thënë se tash ka më pak operacione.

Ai ka thënë se kjo është një dëshmi mbi dështimin në menaxhimin e shëndetësisë.

“Sipas raporti zyrtar të QKUK-ës në vitin 2019 me 2 sallë të operacionit janë kryer 1425 operacione në Klinikën e Kirurgjisë së Fëmijëve, ndërsa tani me 4 salla te operacionit ka ma pak operacione të kryera”, ka shkruar Haxhiu në “Facebook”.

Postimi i plotë i Haxhiut:

Dëshmi mbi dështimin në menaxhimin e shëndetësisë.

Drejtori i Klinikës së Kirurgjisë së Fëmijëve në QKUK, paska deklaruar se për 9 muaj janë kryer mbi 1 mijë operacione, mesatarisht i bie që janë kryer 3-4 operacione në 24 orë në një Klinikë që ka 4 salla të operacioneve e 15 specialistë të kirurgjisë së fëmijëve, e ku janë investuar mbi 22 milionë euro.

Sipas raporti zyrtar të QKUK-ës në vitin 2019 me 2 sallë të operacionit janë kryer 1425 operacione në Klinikën e Kirurgjisë së Fëmijëve, ndërsa tani me 4 salla te operacionit ka ma pak operacione të kryera.

Operacione të kryera në Klinikë e Kirurgjisë se Fëmijëve në vitin 2024 mesatarja 3.7 operacione në 24 orë me 4 salla operative.

2019 mesatarja 3.9 operacione në 24 orë me 2 salla operative.

Kjo shpërfaq dështimin në menaxhim të shëndetësisë tonë të cilën e ka përfshirë tenderomania.