![](https://www.epokaere.com/wp-content/uploads/2021/06/haxhiu.jpg)
Haxhiu kërkon dorëheqjen e Vitisë nëse se mbanë premtimin për vaksinimin e 60 për qind të popullsisë
Deputeti i Partisë Demokratike të Kosovës (PDK), Bekim Haxhiu dhe ministri i Shëndetësisë, Arben Vitia janë përplasur gjatë raportimit të këtij të fundit në Komisionin Parlamentar për Shëndetësi.
Haxhiu ka kërkuar nga Vitia që të garantojë dorëheqjen e tij dhe të qeverisë nëse nuk do të bëhet vaksinimi i 60 për qind të qytetarëve deri në fund të vitit, ashtu si ishte premtuar.
“A na garantoni me dorëheqjen tuaj dhe te qeverisë që do të bëni vaksinimin e 60 për qind të qytetarëve”, ka thënë ai.
Ndërsa ministri Vitia i është përgjigjur, duke i thënë se kërkesa e dorëheqjes nga ana e tij është e pandershme.
“Kërkesa e dorëheqjes nga dikush që ka premtuar 200 mijë vende të punës dhe nuk e ka realizuar asnjë, është jo e ndershme”, ka deklaruar ai.
Vitia ka deklaruar se deri në fund të vitit do të arrijnë të vaksinojnë 60 për qind të qytetarëve.