Në një replikë ndaj deputeti të LVV-së, Dimal Basha, deputeti i PDK-së Bekim Haxhiu kërkoi të përmendet një projekt i vetëm i filluar dhe i përfunduar.

“Me më shumë se 12 miliardë euro, për katër vjet, cilin projekt kapital e keni fillu dhe e keni përfundu? Thuaja emrin projektit që e keni filluar. Ju s’po mundeni në kohë dimri me i qitë kripë rrugëve që i ka shtru Hshim Thaçi.” – tha Haxhiu.

Deputeti Basha vazhdoi duke pretenduar se “nuk ka asnjëherë Qeveri të vetme që e ka çliuar veriun”.

Lidhur me pyetjen e deputetit Haxhiu se cili projekt është përfunduar, Basha nuk dha asnjë përgjigje por i kërkoi Haxhiut që ta dëgjoj fjalimin e kryeministrit Kurti.