Nënkryetari i LDK’së, Lutfi Haziri, ka thënë në emisonin DPT te Fidani se LDK e ka mbajtur fjalën duke e votuar kryeparlamentarin e VV’së.

“Kanë ndryshuar raportet natyrisht. Tash kemi më pak poste për të ndarë. Zyra e presidentit është e zënë”, ka thënë Haziri.

“LDK’së i është marrë posti i kryeparlamentarit”

“Pyeteni Kurtin pse na ka marrë postin. Po të kishte marrëveshje ai post do na takonte neve”

Gjithsesi Haziri e lë hapur mundësinë që të lidhet një koalicion në ditët në vazhdim, por që thotë se gjasat janë të vogla të arrihet një zgjidhje.

Po ashtu për vizitën e ambasadorit amerikan ai ka thënë se nuk është ndërmjetësues por vetëm takim pune i rregullt. Haziri ka thënë se mes VV’së dhe LDK’së ka marrëveshje që të mos ketë ndërmjetësues.