Kryetari i komunës së Gjilanit, Lutfi Haziri, në cilësinë e anëtarit të bordit të Agjensionit Europian për Zhvillim të Demokracisë Lokale (ALDA), po merr pjesë në takimin e radhës në Bruksel.

Temë kyçe e diskutimit të sotëm është bashkëpunimi ndërmjet institucioneve lokale në nivel rajoni.

“Perspektiva evropiane e Kosovës, por edhe e rajonit tonë është e pa-alternativë. Në kuadër të këtij angazhimi, besoj së shume shpejt ALDA, sipas kërkesës dhe përkrahjes sime, do të mirëpres në gjirin e saj edhe disa komuna nga Kosova, por dhe nga rajoni, si Kosova Lindore e Maqedonia, si anëtarë të kësaj organizate të rëndësishme të Evropës”, ka thënë Haziri gjatë diskutimit në këtë takim në Bruksel.

Haziri ka njoftuar se Gjilani shumë shpejt do ta ketë nderin e veçantë që të jetë nikoqir i takimit të radhës të Agjensionit Evropian për Zhvillim të Demokracisë Lokale (ALDA).